მონაკოს სამთავრო
Contact info
- 8 Rue Bermontier, 75017 Paris, France
- 09:00 – 18:00
- ambassade.georgie@mfa.gov.ge
- https://geoconsul.gov.ge/ka/register/visit
- +33 7 83 31 86 89
დიპლომატიური ურთიერთობების ქრონოლოგია:
დიპლომატიური ურთიერთობები საქართველოსა და მონაკოს სამთავროს შორის დამყარდა 1993 წლის 1 თებერვალს.
2009 წლიდან, მონაკოს სამთავროს გადაფარვა ხორციელდება საფრანგეთის რესპუბლიკაში საქართველოს საელჩოს მიერ.
ორმხრივი თანამშრომლობა
მონაკოსა და საქართველოს შორის ორმხრივი თანამშრომლობა არ გამოირჩევა აქტიურობით.
ორ ქვეყანას შორის საპარლამენტო ურთიერთობები არ არსებობს.
2021 წლის 11 ივნისს, გაიმართა საქართველოს პრეზიდენტის, სალომე ზურაბიშვილის სამუშაო ვიზიტი მონაკოს სამთავროში და შეხვედრა მონაკოს პრინცთან - ალბერ II-თან.
2020 წელს საქართველოს მონაკოს პრინცესა, შარლინ უოტსტოკი და მონაკოს სამეფო დელეგაცია სტუმრობდა საქველმოქმედო ვიზიტით. მონაკოს პრინცესამ საქართველოს განათლების, მეცნიერების, კულტურისა და სპორტის მინისტრ მიხეილ ჩხენკელთან, საქველმოქმედო ფონდ „აი იას“ დამფუძნებლებთან და სხვა საპატიო სტუმრებთან ერთად, ოლიმპიურ სოფელში მდებარე სპორტული კომპლექსი და თბილისის პარასპორტის განვითარების ცენტრი დაათვალიერა.
2011 წლის სექტემბერში, საქართველოს სამდღიანი ოფიციალური ვიზიტით ეწვია მონაკოს პრინცი ალბერ II. ვიზიტის ფარგლებში, იგი იმყოფებოდა თბილისში, ბათუმსა და სვანეთში და ოფიციალური შეხვედრების გარდა, ასევე შესაძლებლობა ჰქონდა გაცნობოდა ქართულ კულტურასა და ტრადიციებს.
მონაკო მხარს უჭერს საქართველოს ტერიტორიულ მთლიანობას და სუვერენიტეტს, მათ შორის, გაერო-ს გენერალურ ასამბლეაზე ყოველ წელს წარდგენილ რეზოლუციას ადგილნაცვალ პირთა და ლტოლვილთა სტატუსის შესახებ.
ბმულები:
მონაკოს სამთავროს საგარეო საქმეთა და თანამშრომლობის სამინისტრო