ინფორმაცია სამხედრო აღრიცხვის შესახებ
სამხედრო აღრიცხვა
საქართველოს თავდაცვის კოდექსსა და სამხედრო აღრიცხვისა და წვევამდელთა ეროვნული სამხედრო სამსახურის მარეგულირებელ კანონმდებლობაში 2026 წლის 31 აგვისტოს №422 დადგენილებით შესული ცვლილებების თანახმად, სამხედრო აღრიცხვას ექვემდებარება 17-დან 27 წლამდე ასაკის საქართველოს მოქალაქე (აგრეთვე საქართველოში სტატუსის მქონე მოქალაქეობის არმქონე) მამაკაცი, რომელიც საზღვარგარეთ იმყოფება 1 თვეზე მეტი ვადით და არ იმყოფება სამხედრო აღრიცხვაზე.
პირი ვალდებულია აღნიშნული ვადის გასვლიდან 2 კვირის განმავლობაში გამოცხადდეს საკონსულო დაწესებულებაში (ვადის გადაცილება არ წარმოადგენს განაცხადის მიღებაზე უარის თქმის საფუძველს და განაცხადი მიიღება ჩვეულებრივი წესით).
გთხოვთ, გაეცნოთ წვევამდელის უფლებებსა და ვალდებულებებს.
საკითხი 1 : წვევამდელის სამხედრო აღრიცხვაზე ასაყვანად საკონსულოში წარმოსადგენი დოკუმენტაცია
1. „საკომუნიკაციო ურთიერთობის შესახებ განაცხადის ფორმა“ (წარმოადგინეთ შევსებული და ხელმოწერილი).
2. დაბადების მოწმობის ასლი (მათ შორის სრულწლოვანი პირის შემთხვევაშიც);
უცხო სახელმწიფოში გაცემული დაბადების მოწმობა არ ესაჭიროება აპოსტილით დამოწმებას, სავალდებულოა მხოლოდ ნოტარიულად დამოწმებული ქართული თარგმანი;
3. პირადობის დამადასტურებელი დოკუმენტის ასლი (პასპორტის ან პირადობის მოწმობის ასლი);
4. 6 თვის განმავლობაში გადაღებული ფოტოსურათი 3x4;
o არასრულწლოვნის სამხედრო აღრიცხვისას მას თან უნდა ახლდეს ერთ-ერთი კანონიერი წარმომადგენელი.
o პირს უნდა ჰქონდეს მოქმედი ტელეფონის ნომერი და მოქმედი ელექტრონული ფოსტის მისამართი.
საკითხი 2: წვევამდელის უფლებები და ვალდებულებები
გთხოვთ, გაეცნოთ წვევამდელის უფლებებსა და ვალდებულებებს.
საკითხი 3: საკონსულოში ვიზიტზე ჩაწერა (RDV)
სამხედრო აღრიცხვისთვის აუცილებელია საკონსულოში ვიზიტის დაჯავშნა და პირადად გამოცხადება.
გთხოვთ, საკონსულოში ჩასაწერად აირჩიოთ საკონსულო მომსახურება > „კონსულტაცია“
საკითხი 4: დამატებითი ინფორმაციის მოპოვება
გადავადების საფუძვლებთან და სხვა ინდივიდუალურ საკითხებთან დაკავშირებით, უშუალოდ დაინტერესებულმა პირმა ან მინდობილმა პირმა უნდა მიმართოს სამხედრო გაწვევისა და რეკრუტირების ეროვნულ სააგენტოს ელექტრონული ფოსტის მეშვეობით: [email protected] ან ეწვიოს სააგენტოს ოფიციალურ ვებგვერდს: