2026 წლის 11 ივნისს, საფრანგეთში საქართველოს ელჩმა ირაკლი ყურაშვილმა, ბურგუნდია-ფრანშ-კონტეს რეგიონში სამუშაო ვიზიტის ფარგლებში, ქ. ოსერში შეხვედრა გამართა იონის დეპარტამენტის საბჭოს პრეზიდენტთან გრეგორი დორტთან, იონის დეპარტამენტის საბჭოს ყოფილ პრეზიდენტთან, საფრანგეთის ყოფილ მინისტრთან და სენატორთან ანრი დე რენკურთან და ფრანგულ-ქართული სამედიცინო ცენტრის "კახეთი-იონის” მმართველი საბჭოს წევრთან, ექიმ ჟაკ სიმართან.
საფრანგეთში ვიზიტის ფარგლებში, საქართველოს ვიცე-პრემიერმა, თავდაცვის მინისტრმა ირაკლი ჩიქოვანმა ფრანგ კოლეგასთან, კატრინ ვოტრენთან შეხვედრა გამართა. საქართველოს თავდაცვის უწყების ხელმძღვანელმა მას მოწვევისთვის მადლობა გადაუხადა და მსოფლიოში არსებული რთული ვითარების ფონზე, სახელმწიფოებს შორის პარტნიორობისა და თანამშრომლობის მნიშვნელობა აღნიშნა.
2026 წლის 4 ივნისიდან 7 ივნისამდე, საქართველოს მთავრობისა და საქართველოს საპატრიარქოს ერთობლივად დაგეგმილი ღონისძიებების ფარგლებში, საქართველოში ქრისტიანობის სახელმწიფო რელიგიად გამოცხადების 1700 წლის იუბილესთან დაკავშირებით, ქ. პარიზს საქართველოს საპატრიარქოს დელეგაცია ეწვია.
2026 წლის 28 მაისს, საფრანგეთის რესპუბლიკაში საქართველოს საელჩოსა და იუნესკოში საქართველოს მუდმივი წარმომადგენლობის ორგანიზებით, პარიზში, საქართველოს დამოუკიდებლობის დღისადმი მიძღვნილი საზეიმო მიღება გაიმართა.
საქართველოს საგარეო საქმეთა სამინისტრო აცხადებს საგრანტო კონკურსს „ჩემი ქართული სკოლა“. საგრანტო პროგრამის მიზანია ქართული ენის სწავლების ხარისხის გაუმჯობესება, მოსწავლეების კულტურულ აქტივობებში ჩართულობის გაზრდა, საკვირაო სკოლების გაძლიერება სასწავლო მასალით და შემოქმედებითი რესურსებით, საზღვარგარეთ მოქმედი ქართული საკვირაო სკოლების მხარდაჭერა, საზღვარგარეთ საქართველოს დიპლომატიურ წარმომადგენლობებისა და საკონსულო დაწესებულებების ჩართულობით.
2026 წლის 18 მაისს, საქართველოს გარემოს დაცვისა და სოფლის მეურნეობის მინისტრმა დავით სონღულაშვილმა ქ. პარიზში მიმდინარე ცხოველთა ჯანმრთელობის დაცვის მსოფლიო ორგანიზაციის (WOAH) 93-ე გენერალურ სესიაში მიიღო მონაწილეობა.
2026 წლის 11-13 მაისს, პარიზში, საქართველოს ღვინის ეროვნული სააგენტოსა და საფრანგეთის რესპუბლიკაში საქართველოს საელჩოს ორგანიზებით, ქართული ღვინის დეგუსტაცია გაიმართა. ღონისძიებებს ესწრებოდნენ საფრანგეთში საქართველოს ელჩი ირაკლი ყურაშვილი, საელჩოს წარმომადგენლები და ღვინის ეროვნული სააგენტოს თავმჯდომარის მოადგილე თამთა ყველაიძე.
საფრანგეთის რესპუბლიკაში საქართველოს საგანგებო და სრულუფლებიანი ელჩი, ირაკლი ყურაშვილი ეწვია საფრანგეთის საერთაშორისო ურთიერთობათა ინსტიტუტს (IFRI) და შეხვედრა გამართა ინსტიტუტის დირექტორთან, ტომა გომართან (Thomas Gomart).
2026 წლის 17 აპრილს, საქართველოს კულტურის მინისტრმა თინათინ რუხაძემ, საფრანგეთში სამუშაო ვიზიტის ფარგლებში, ლევილის ქართველთა მამულში განხორციელებული და მიმდინარე სარეაბილიტაციო სამუშაოები დაათვალიერა.
2026 წლის 19 აპრილს, პარიზის „სალ გავოს“ (Salle Gaveau) საკონცერტო დარბაზში კონცერტი - „ევროპული ტრადიციები ქართულ მუსიკაში“ გაიმართა. კონცერტს საქართველოს კულტურის მინისტრი, თინათინ რუხაძე და საქართველოს საგანგებო და სრულუფლებიანი ელჩი საფრანგეთის რესპუბლიკაში, საქართველოს მუდმივი წარმომადგენელი იუნესკოში, ირაკლი ყურაშვილი დაესწრნენ.
საფრანგეთში სამუშაო ვიზიტის ფარგლებში, საქართველოს კულტურის მინისტრი თინათინ რუხაძე იუნესკოს გენერალურ დირექტორს, ხალედ ელ-ენანის შეხვდა. შეხვედრისას აღინიშნა იუნესკოს მნიშვნელოვანი წვლილი საქართველოს კულტურული მემკვიდრეობის, მრავალფეროვანი კულტურის შენარჩუნებისა და პოპულარიზაციის საქმეში.
პარიზში, "გრან პალეში" (Grand Palais) პარიზის წიგნის ფესტივალი გაიხსნა. 2026 წლის 16 აპრილს, წიგნის ფესტივალის გახსნის ცერემონიას საქართველოს კულტურის მინისტრი, თინათინ რუხაძე და საქართველოს საგანგებო და სრულუფლებიანი ელჩი საფრანგეთის რესპუბლიკაში, საქართველოს მუდმივი წარმომადგენელი იუნესკოში, ირაკლი ყურაშვილი დაესწრნენ.
