საფრანგეთში ვიზიტის ფარგლებში, საქართველოს ვიცე-პრემიერმა, თავდაცვის მინისტრმა ირაკლი ჩიქოვანმა ფრანგ კოლეგასთან, კატრინ ვოტრენთან შეხვედრა გამართა.
საფრანგეთში ვიზიტის ფარგლებში, საქართველოს ვიცე-პრემიერმა, თავდაცვის მინისტრმა ირაკლი ჩიქოვანმა ფრანგ კოლეგასთან, კატრინ ვოტრენთან შეხვედრა გამართა.
საქართველოს თავდაცვის უწყების ხელმძღვანელმა მას მოწვევისთვის მადლობა გადაუხადა და მსოფლიოში არსებული რთული ვითარების ფონზე, სახელმწიფოებს შორის პარტნიორობისა და თანამშრომლობის მნიშვნელობა აღნიშნა.
საქართველოს თავდაცვის მინისტრმა მადლიერება გამოხატა საფრანგეთის მიერ საქართველოს ტერიტორიული მთლიანობისა და სუვერენიტეტის ურყევი მხარდაჭერისთვის.
შეხვედრაზე მიმოიხილეს ორ ქვეყანას შორის, თავდაცვის სფეროში ნაყოფიერი თანამშრომლობის მიმართულებები და სამომავლო პერსპექტივებზე იმსჯელეს.
