საიტზე მიმდინარეობს ტექნიკური სამუშაოები

22 მაისს, 16.00ზე შეხვედრა მწერალ დათო ტურაშვილთან

 

22 მაისს, 16 საათზე, საფრანგეთში საქართველოს საელჩოს ინიციატივით, დიასპორის დღის აღსანიშნავად გაიმართება შეხვედრა მწერალ დათო ტურაშვილთან. შეხვედრას უმასპინძლებს ქართული რესტორანი კოლხიდა.

შეხვედრაზე მწერალი წარადგენს მის ბოლო რომანს « სხვა ამსტერდამი ». საუბარი შეეხება მის სხვა ნაწარმოებებსაც. 

შეხვედრაზე დასწრება თავისუფალია. 

მსურველებს შეეძლებათ შეიძინონ წიგნი. ფასი: 10 ევრო

 

Le Colchide*

97, rue des Poissonniers 75018 Paris

გთხოვთ, მობრძანება  დაადასტუროთ : ambassade.georgie@gmail.com

 

 

 

france/sxva-amsterdami-cover1.jpg

დათო ტურაშვილი "სხვა ამსტერდამი": „ბავშვობიდანვე ვიცოდი, რომ ბაბუაჩემი მელენტი მასხულია მეორე მსოფლიო ომის დროს ჰოლანდიაში აღმოჩნდა, სადაც პარტიზანებს შეუერთდა ნაცისტების წინააღმდეგ ბრძოლაში. სწორედ ასე მეუბნებოდა დედაჩემი, რომელიც დაწვრილებით მიყვებოდა იმის შესახებაც, თუ როგორ გაიპარა მანამდე ბაბუაჩემი მელენტი საფრანგეთის ერთ-ერთი საკონცენტრაციო ბანაკიდან შვიდ ქართველ ტყვესთან ერთად. ომი რომ დამთავრდა, საბჭოთა კავშირში დაბრუნებული ბაბუაჩემი მოსკოვიდან პირდაპირ ციმბირში გააგზავნეს და იქ პატიმრობაში ათი წელი გაატარა. ალბათ ამიტომაც მეუბნებოდა მამაჩემი, რომ ბაბუაჩემი არა ფაშისტებს, არამედ კომუნისტებს ებრძოდა მთელი ცხოვრება და ამის გამო აღმოჩნდა კიდეც შორეულ გადასახლებაში. ყველაზე საინტერესო კი ჩემთვის, რასაკვირველია, ბებიაჩემის ვერსია იყო, რომელიც ამტკიცებდა რომ ბაბუა, სინამდვილეში, არავის ებრძოდა (საერთოდ) და ამსტერდამში მხოლოდ იმიტომ მოხვდა, რომ იქ საყვარელი ჰყავდა, რომლის ბინაშიც ომის პრობლემებს ემალებოდა. ბებიაჩემს კი მაინც ვერსად დაემალა..." - დათო ტურაშვილი. დათო ტურაშვილის მორიგი რომანი მეორე მსოფლიო ომის დროინდელი ამბებისა და მწერლის ჰოლანდიური შთაბეჭდილებების ნაკრებია. ამ წიგნით ქართველი მკითხველი დაინახავს მისთვის ჯერ უცნობ, ისტორიულ თუ თანამედროვე ამსტერდამს და ჰოლანდიელებს.

 

*ღონისძიების პატნიორია ქართული რესტორანი პარიზში, Le Colchide