საფრანგეთში საქართველოს ელჩმა და იუნესკოში მუდმივმა წარმომადგენელმა, გოჩა ჯავახიშვილმა, ქ. ნანტის მერიისა და კლოდ კაენის სახელობის თანამედროვე ფოტოგრაფიის ცენტრის მიწვევით მონაწილეობა მიიღო ფოტოგრაფიისა და კინოს საერთაშორისო ფესტივალის გახსნაში, რომელშიც საქართველო წლის საპატიო სტუმრის სტატუსით არის მიწვეული. აღსანიშნავია, რომ ნანტი თბილისთან დაძმობილებული ქალაქია.
16 იანვარს, ქ. პარიზში, გეოპოლიტიკის აკადემიაში კონფერენცია „კავკასია, თანამშრომლობისა და ძალაუფლების დაპირისპირებას შორის“ გაიმართა. ღონისძიება მიზნად ისახავდა გეოპოლიტიკურად მნიშვნელოვან კავკასიის რეგიონში არსებული სტრატეგიული დინამიკის ანალიზს.
8 იანვარს, საფრანგეთში საქართველოს ელჩმა და იუნესკოში მუდმივმა წარმომადგენელმა, გოჩა ჯავახიშვილმა შეხვედრა გამართა „ახალგაზრდა თაობის" Erasmus+ გაცვლით პროგრამაში მონაწილე ქართულ გუნდთან. შეხვედრა საქართველოს საელჩოში გაიმართა.
12-14 დეკემბერს, ქ. პარიზში ეკონომიკური თანამშრომლობისა და განვითარების ორგანიზაციის (OECD) სათავო ოფისში ევრაზიის კვირეული გაიმართა, რომელშიც მონაწილეობა მიიღო ეკონომიკისა და მდგრადი განვითარების მინისტრის მოადგილე ირაკლი ნადარეიშვილმა, ეკონომიკური პოლიტიკის დეპარტამენტის უფროსმა ცისნამი საბაძემ და სსიპ სააგენტოს „აწარმოე საქართველოში“ დირექტორმა მიხეილ ხიდურელმა.
‼ საფრანგეთში მყოფ საქართველოს მოქალაქეთა საყურადღებოდ !!!👇 საფრანგეთის რესპუბლიკაში საქართველოს საკონსულოსადმი მოქალაქეთა მზარდი მიმართვიანობის გათვალისწინებით, ცალკე შეიქმნა საკონსულო სამსახურისთვის განკუთვნილი ელექტრონული მისამართი: 👉📧 [email protected] ⚠️ შესაბამისად, მოქალაქეებს ვთხოვთ, ამიერიდან, საფრანგეთში საქართველოს საკონსულოს, [email protected]ის ნაცვლად, მიმართონ ზემოთ მითითებულ ელექტრონულ მისამართზე.
საქართველოს საელჩო საფრანგეთის რესპუბლიკაში სტაჟირების კონკურსს აცხადებს საელჩოსა და საკონსულო სამსახურში (ორი ვაკანსია საელჩოში და ერთი ვაკანსია საკონსულო სამსახურში). სტაჟირებას გაივლის განცხადების განხილვის და გასაუბრების შედეგად შერჩეული 3 აპლიკანტი. სტაჟირების ვადა განისაზღვრება 3 თვიდან 6 თვემდე ვადით.
