საიტზე მიმდინარეობს ტექნიკური სამუშაოები

დავით ზალკალიანის ვიზიტი საფრანგეთში

საფრანგეთის რესპუბლიკაში ვიზიტის ფარგლებში, საგარეო საქმეთა მინისტრის პირველი მოადგილე დავით ზალკალიანი დიპლომატიურ საკითხებში საფრანგეთის პრეზიდენტის მრჩეველ ფილიპ ეტიენს შეხვდა.

შეხვედრისას მხარეებმა ისაუბრეს საქართველოსა და საფრანგეთს შორის ორმხრივი და მრავალმხრივი თანამშრომლობის სხვადასხვა მიმართულებებზე. დავით ზალკალიანმა მადლობა გადაუხადა საფრანგეთის ხელისუფლებას საქართველოს სუვერენიტეტისა და ტერიტორიული მთლიანობის, ასევე, ქვეყნის ევროპული და ევრო-ატლანტიკური მისწრაფებების მტკიცე მხარდაჭერისთვის.

მინისტრის პირველმა მოადგილემ ფრანგულ მხარეს ამომწურავი ინფორმაცია მიაწოდა საქართველოს მთავრობის კონფლიქტის მშვიდობიანი გზით მოგვარების პოლიტიკაზე, საერთაშორისო პარტნიორების ჩართულობისა და ჟენევის საერთაშორისო მოლაპარაკებების მნიშვნელობაზე. დავით ზალკალიანმა ვრცლად ისაუბრა საქართველოს ოკუპირებულ რეგიონებში უსაფრთხოებისა და ჰუმანიტარული კუთხით შექმნილ მძიმე ვითარებაზე - გადაადგილების თავისუფლების, განათლების მშობლიურ ენაზე მიღების უფლებების მკაცრ დარღვევებზე. მინისტრის პირველმა მოადგილემ პრეზიდენტის დიპლომატიურ მრჩეველს ინფორმაცია მიაწოდა ცხინვალში საოკუპაციო რეჟიმის მიერ საქართველოს მოქალაქე არჩილ ტატუნაშვილის მკვლელობის თაობაზე; ხაზი გაუსვა ოკუპირებულ რეგიონებში საერთაშორისო მექანიზმების შექმნის საჭიროებას, მათ შორის, ადამიანის უფლებების მონიტორინგის კუთხით. ფილიპ ეტიენმა დაადასტურა საქართველოს მთავრობის კონფლიქტის მშვიდობიანი გზით მოგვარების პოლიტიკის მხარდაჭერა.

ვრცლად იხილეთ: http://gov.ge/s/9f134

 

Occupied Territories of Georgia

eVISA portal