2018 წლის 14 მარტს, ქ. პარიზში, გოეთეს სახელობის ინსტიტუტში, უცხოურ კულტურულ ინსტიტუტთა ფორუმის (FICEP) მიერ ორგანიზებულ „კინოს კვირეულის" ფარგლებში გაიმართა ცნობილი ქართველი რეჟისორების ვახტანგ ტაბლიაშვილისა და შალვა გედევანიშვილის ფილმის „ქეთო და კოტე" ჩვენება.
ღონისძიება საფრანგეთში საქართველოს საელჩოს თანამონაწილეობით გაიმართა და მასზე მოწვეული იყვნენ ხელოვნების წრის წარმომადგენლები, კინოკრიტიკოსები, დიპლომატიური კორპუსი და ქართული დიასპორა
