საიტზე მიმდინარეობს ტექნიკური სამუშაოები

საფრანგეთის რესპუბლიკაში საქართველოს საგანგებო და სრულუფლებიანი ელჩის მიმართვა

ჩემთვის დიდი პატივია შევუდგე საფრანგეთში საქართველოს ელჩის მისიის შესრულებას. ამავდროულად, ბედნიერი ვარ კვლავ დავუბრუნდე პარიზს, ამ უბადლო დედაქალაქს, სადაც ვცხოვრობდი, ვსწავლობდი  და მრავალი წლის განმავლობაში ვმუშაობდი.

საფრანგეთსა და საქართველოს შორის მეგობრული ურთიერთობები ღრმა და უძველეს კავშირებთან ერთად იმ საერთო ღირებულებებს ეფუძნება, რომელთა განმტკიცებასა და განვითარებასაც ვაპირებ ყველა მიმართულებით.

უპირველესად პოლიტიკური ურთიერთობები :  საქართველოს მისწრაფებების ფონზე, კიდევ უფრო დიდია აუცილებლობა ჩვენი ქვეყნის ევროკავშირში ინტეგრაციის ხელშეწყობისთვის. კარგად მესმის ამ გამოწვევის მნიშვნელობა, რომელიც ორმხრივი პოლიტიკური თანამშრომლობის არაჩვეულებრივი შესაძლებლობაა.

შემდეგ, ეკონომიკური ურთიერთობები :  არასაკმარისია იმ კომპანიათა რაოდენობა, რომლებიც საქართველოში მუშაობენ, იგივე მდგომარეობაა ქართული საწარმოების მხრივ საფრანგეთის ბაზარზე.

ყველაფერს გავაკეთებ, რომ ეს კავშირები განმტკიცდეს და გაფართოვდეს. ჩემი მიზანია, მდგრადი განვითარება ჩვენი თანამშრომლობის ერთ-ერთი ქვაკუთხედი გახდეს.

განათლება და მეცნიერება ჩემი განსაკუთრებული ინტერესის სფერო იქნება, რათა საუნივერსიტეტო და სამეცნიერო თანამშრომლობის წყალობით ჩვენს ქვეყნებს შორის ცოდნისა და გამოცდილების გაზიარებას შევუწყოთ ხელი.

და ბოლოს, კულტურული ურთიერთობები : ჩვენი დიპლომატიის კიდევ ერთი უმნიშვნელოვანესი მიმართულება. მიმაჩნია, რომ კულტურა იმ საზოგადოების მამოძრავებელი ძალაა, რომელსაც შეუძლია გაუმკლავდეს მომავლისა და თვითმყოფადობის გამოწვევებს.  ამ მხრივ, ძალისხმევას არ დავიშურებ, რათა ხელი შევუწყო საქართველოს კულტურული და ისტორიული მემკვიდრეობის ცნობადობის ამაღლებას.

ამ უმნიშვნელოვანეს პერიოდში, ფრანგი პარტნიორებისა და მეგობრების, ასევე საფრანგეთში მცხოვრები ქართული დიასპორის თანადგომის იმედი  კიდევ უფრო მიძლიერებს რწმენას, რომ შევძლებთ საფრანგეთსა და საქართველოს შორის თანამშრომლობის გაღრმავებას. ჩემი მიზანია ეს თანამშრომლობა კონსტრუქციულ მეგობრობად ვაქციოთ.

 

თეა კატუკია

საფრანგეთის რესპუბლიკაში საქართველოს საგანგებო და სრულუფლებიანი ელჩი